Республикада яшенле яңгыр һәм көчле җил көтелә

(Тәтеш, 13 июль, "Тәтеш таннары"). Бүген, 13 июльдә, Татарстан территориясендә һава шартларының бозылуы көтелә. Бу хакта ТР Гидрометеорология һәм әйләнә-тирә мохитне күзәтү идарәсенең матбугат хезмәте хәбәр итә.

Төнлә һәм көндез республикада кыска вакытлы яшенле яңгыр, боз явуы, төньяк-көнчыгыштан искән җилнең тизлеге урыны белән секундына 15-20 метрга кадәр көчәюе көтелә.

Төнге сәгатьләрдә һава температурасы +11, +16, көнбатышта +19, көндез исә +26, +31 градус тәшкил итәчәк. Республиканың көньяк-көнбатышында җылырак булачак.

Метеорологларның якынча фаразларыннан күренгәнчә, Татарстанда атна уртасына кадәр җылы, әмма тотрыксыз һава торышы саклана. Яшенле яңгыр, боз явуы һәм көчле җил көтелә.

Подробнее: https://tatar-inform.tatar/news/ecology/12-07-2021/tatarstanda-yashenle-ya-gyr-m-k-chle-il-arkasynda-yan-shtorm-kis-t-e-ig-lan-itelde-5829993