Үсемлекләр саклауга мохтаҗ

– Бөртекле культуралар тулысынча чәчел­де. Планлаштырылган­нан бик аз гектарда көн­багыш, соя, силоска кукуруз һәм күпьеллык үләннәр генә калды. Быелгы яңгырлы һава торышы шартлары чәчүне бераз тоткарлады. Бүгенге көндә артык дымланган туфрак чәчүлекләр­не корткычлардан, чүп үлән­нәреннән һәм авырулардан эшкәртү, үсем­лекләрне яфрактан һәм  тамырдан тукландыру кебек башка мөһим агротехник чараларны үткәрүне дә тоткарлый. Гербицидлар белән эшкәртү алып барыла, бу бөртеклеләр­не чәчкәндә төрле чүп үләннәре бе­лән көрәшү мөм­кинлеген бирә. Авыруларга каршы көрәштә фунгицидлар кулланыла, алар патогеннар үсе­шен бетерә һәм бөртек­ле көзге культураларда авы­­­рулар таралуны булдыр­мый ка­ла. Корткычлардан сак­лану өчен бөҗәкләрне юк итүче һәм аларның үрчүен булдырмаучы инсектицидлар кулланыла. 

Бөртеклеләрне тамырдан тукландыру буенча да эш алып барыла. Яфрактан өстәмә тук­ландыру да мөһим, бу заманча сортларның потенциалын мөмкин кадәр күбрәк тормышка ашырырга, бөртек­нең микъдарын һәм сыйфатын арттырырга мөмкинлек бирә. Мик­роашламаларда һәм үсеш стимуляторларында булган актив компонент­лар яфрак пластинасына тиз үтеп керә һәм тиз арада уңай тәэсир итә. Район кырларында үзйөрешле җир өсте техникасы эшли һәм һәр аяз көнне механизаторлар аны нәтиҗәле эшләү өчен кулланалар, – дип сөйләде районның авыл хуҗалыгы һәм азык-тө­лек идарәсе начальнигы Ирек Садриев.

22 майга район кырларындагы агротехник чаралар мәгълүматы

Корткычлардан саклау 13 582 гектарда үткәрелгән;
авырулардан саклау – 15 040 гектарда;
чүп үләннәреннән саклау – 22 962 гектарда;
үсемлекләрне тамырдан тукландыру – 8,2 гектарда;
яфрактан өстәмә тукландыру – 15 110 гектарда.

Районның авыл хуҗалыгы һәм азык-төлек идарәсе мәгълүматлары буенча

фото: Радик  Йосыпов