Зеленовкага хәзер яңа юл алып бара

(Тәтеш, 12 ноябрь, “Тәтеш таңнары”, Галина Таҗетдинова, Айрат Гыйззәтуллин фотосы). Ул  юлларны  төзү  буенча  федераль һәм  республика  программасы ярдәмендә  ясалган.

Зеленовкалылар узган айдан алып авылдан шәһәргә каты өслекле юл буйлап җилдерә.

Әлеге авылга өч ел элек, Хәтер һәм кайгы кө­нендә, һәлак булган авылдашларына һәйкәл ачу көнендә ничек итеп барып җитүебезне искә төшереп үтәсе килә. Явып киткән яңгырдан редакция машинасы үтеп керә алмады, бер тәтешле безне үз машинасына утыртып, тантаналы чарага алып барып җиткергән иде. Гадәттәгечә, аңардан соң, авыл кешеләрен борчыган проблемалар турында сүз башланды, алар арасында юл төзелеше иң мөһиме буларак яңгырады. “Көзге һәм язгы пычракларда машиналарны олы юлда калдыралар иде, – диделәр өлкән хатын-кызлар. – Балалар шулай ук оныклары белән җәяүләп йөриләр. Юллар булырмы-юкмы, әллә вәгъдә генә итәләрме...”

Әлеге сорау Зеленовкага кагылышлы Нармонка авылында узган гражданнар җыенында да күтәрелгән иде. Район җитәкчелеге авыл кешеләренә мәсьәләнең хәл ителәчәген әйтте.
Шулай булды да. Һәм менә юл ясалды, авыл халкы бик шат.

Айрат Гыйззәтуллин, Тә­теш­тәге юл участогының производство-техник бү­лек инженеры: “Субпод­ряд оешмасы күперне, газ үткәргечне, элемтә ка­бель­ләрен яңадан урнаштыру белән өстәмә тапкыр шөгыльләнде. Шуннан соң 25 июньнән без эшкә керештек һәм, бүлеп бирел­гән вакытка өлгертеп, үзебез­нең эшне октябрьдә тә­мамладык. Безнең төзү­челәр метр ярым тирән­лектә су чыгуын ачыкладылар, ул әйтерсең елгадай агып тора. Шуңа да заказчыларны чакырдык, проектка үзгәрешләр кертелде, һәм без куелган бурычны уңышлы башкарып ­чыктык”. 

Татьяна Сорокина, Зеленовкада яшәүче: “Яңа юлга без ничек сөенүебезне сүз белән генә әйтеп бирерлек түгел, безнең өчен оҗмах. Элек автолавка килә алырмы, азык-төлекләр сатып алырга мөмкин булырмы икән, дип уйлана идек, ә хәзер бу хакта борчылмыйбыз инде. Эшләр буенча үзебез дә инде Тәтешкә берничә тапкыр барып кайттык. Шулхәтле яхшы, әйтерсең лә авыр чирдән соң авылыбыз ­иркен ­сулыш алды. 
Район җитәкчелегенә кайгыртулары өчен рәхмәт, юлчылар, намуслы итеп, чын күңелдән эшләделәр, мондый бердәм коллективны күптән күргәнем юк иде инде. Безгә һәм безнең гүзәл авылыбызның ку­нак­лары өчен бу искиткеч бүләк”. 

Зеленовкага кадәр юлның озынлыгы – 1 километр 489 метр.
Вак таш-ком катнашмалы өслек – 10974 квадрат метр.
Асфальт-бетонлы  өс­лек  – 1069 квадрат метр.
Урнаштырылды:
– зур диаметрлы 3 су үткәргеч торба, 
– төзекләндерү әй­бер­ләреннән 432 метр тимер каршылык коймалары,
– 132 пластик сигнал ­баганасы, 
–  30 юл тамгасы.