2020 елның 13 сентябре – Бердәм тавыш бирү көне

(Тәтеш, 9 сентябрь, "Тәтеш таңнары"). 2020 елның 13 сентябре – Бердәм тавыш бирү көне. Татарстанда Бердәм тавыш бирү көнендә Татарстан Республикасы Президентын һәм муниципаль берәмлекләрнең вәкиллекле хакимият органнары депутатларын сайлау узачак.

Татарстанда тавыш бирү 11нән 13 сентябрьгә кадәр узачак. Алда торган сайлауларга бердәм ­тавыш бирү көне 13 сентябрьгә беркетелгән.

11 һәм 12 сентябрь алдан тавыш бирү көннәре булып санала. Сайлау участоклары барлык өч көндә дә 8дән 20 сәгатькә кадәр эшләячәк.

11нән 13 сентябрьгә кадәр сайлаулар уздырган вакытта гражданнарның сәламәтлек куркынычсызлыгын тәэмин итү максатларында: сайлау участогының керү юлында термометрдан карау үткәреләчәк; керү юлына дезинфекцияләү әйберләре белән келәм; тавыш бирүдә катнашучыларның кулларын йогышсызландыру өчен антисептик әйберләр, битлек, перчаткалар  куелачак; һәрбер сайлау участогында биналарны яхшы итеп дизенфекцияләү уздырылачак, идәннәрдә кирәкле санитар ераклыкны билгеләү өчен махсус тамгалар булачак.