“Акчарлак” лагерендә балалар ялының өченче сменасы тәмамланды

 (Тәтеш, 22 август, "Тәтеш таңнары", Энҗе Алимова, Лилия Мөхәммәтшина фотосы). Ял итүчеләр смена ябылу чарасында пе­­дагоглар коллективына спорт төрендәге “Җиде могҗиза” дип исемләнгән кызыклы прог­рамма өчен рәхмәт белдерде. “Смена бик шәп булды. Спорт “Сабан туе”, супер геройлар карнавалы, экология марафоны, вожатыйлар һәм лагерьдәге малайлар җыелмасы арасында футбол матчы, “Долгая Поляна” музеена бару аеруча да истә калачак, – дип уртаклашты ял итүчеләр. – Кызык­лы смена өчен рәхмәт, бирегә икенче елга да киләчәкбез”.

Шәһәр мәктәпләре һәм гражданнарны яклау көллия­те, бала­лар-яшүсмерләр спорт мәктәбенең сәләтле педагоглары һәм 1нче мәктәпнең балаларга төрле тәмле ризык­лар әзерләүче аш пешерүчеләре смена ялын тәмамлау­чы 80 баланың көннәрен күңелле һәм файдалы уздырды. 

Район башлыгы Рәмис Сафиуллов сәламәтләндерү сменасының җәйге ял сезоны ябылу тантанасында катнаш­ты. “Безне, өлкәннәрне, сезнең укудагы һәм спорттагы уңышларыгыз бик сөендерә. Сез киләчәк казанышларга һәм яңа уку елында җиңүләргә ирешсен өчен биредә көч тупласынга, сезнең ялыгызга яхшы шартлар булдырырга тырыштык”, – дип мөрәҗәгать итте ял итүчеләргә Рәмис Хатыйп улы, лагерь тормышында актив катнашканнары өчен аларга Рәхмәт хатлары тапшырып.