Алабирде авылының Париж Коммунасы урамында чын бәйрәм рухы булды

Алабирде авылының Париж Коммунасы урамында чын бәйрәм рухы булды. Күршеләр бергә җыелып, зур урам бәйрәме оештырдылар.

Табын артында кемнәр генә юк иде: биредә туып-үскән, хәзер инде үз тормышы белән яшәүчеләр дә, туган туфрагына тугры калучылар да, урамның яме булган киленнәр дә... Барысын да бер нәрсә берләштерде — туган урамга булган чиксез мәхәббәт һәм хөрмәт.

Шушындый матур традицияләр җанны җылыта, бердәмлекне ныгыта. Бәйрәмегез мөбәрәк булсын, дус урам халкы!