Аларның кишәрлекләрендә – аллы-гөлле төсләр балкышы

Безнең “Тәтеш яңалыклары” сайтында 3 августтан алып 17 августка кадәр иң яхшы фотография өчен тавыш бирү узачак, аның нәтиҗәләре буенча өч җиңүче бүләкләр алачак. Ә әлегә без сезне үзебезнең яңа катнашучылар белән таныштырабыз.

Тәтештән Валентина Хохлова бакчасында төрле чәчәкләр бик күп. Алар арасында пион, нарцисс, георгин, цинния, петуния, роза, лобелияләр бар. Шулай да иң яратканнарым – лилияләр, – дип билгеләп үтте шәһәрле.

– Чәчәкләр үстерергә һәм аларны карарга бик яратам. Ә мине моңа әбием Галина Никитична Агеева өйрәтә. Минем яраткан чәчәкләрем – дәлияләр. Алар төрле төстә һәм бик матурлар, – ди Киртәледән Тимур Агеев.

Светлана Вишнякова, Киртәле:

– Барлык чәчәкләр арасыннан яраткан чәчәкләрем – лаләләр. Алар төрле төстә. Миңа аларның исе ошый. Мин аларны бик карыйм һәм аларга сокланам. Күп кенә лилияләрне миңа балаларым бүләк итте.

Тәтештән Владимир Николаев йорт яны кишәрлегендә чәчәк үстерә. Аның ярдәме белән Гагарин урамындагы 57нче йорт янында һәрвакыт чәчәкләрдән келәм.

Тамара Кузина, Киртәле:

– Казаннан декоратив балан куагын минем 65 яшемә беренче укытучым алып кайтты. Әлеге гүзәллек мине менә берничә елдан бирле сөендерә. Һәр яз саен аның чәчәк атуыннан ләззәт алам.

Зеленовкадан Людмила Заседате­леваның  йорт ишегалды иртә яздан алып көзгә кадәр чәчәкләргә төренеп утыра. Лаләләр һәм пионнар, роза һәм лаләләрнең бер өлеше инде чәчәк аткан. Лилияләр, флокслар, гортензияләр һәм петунияләр хәзер дә күзләрне иркәләп, күңелләрен сөендерүләрен дәвам итәләр. 

– Бөтен матурлыкны бер фотога сыйдырып булмый, – дип яза Людмила Ивановна.

– Чәчәкләр үстерү – минем өчен күңел шатлыгы. Мин бөтен бакчама күп итеп алсу розалар, шәмәхә-алсу дәлияләр, кызыл-сары пионнар, ак гортензияләр, төрледән-төрле петунияләр утыртам, санап бетерерлек түгел. Алар җирдә дә, тәрәзә аслыгына эленгән чүлмәкләрдә дә үсәләр. Кич белән бакча яктырткычлары кабына, һәм минем чәчәкләрем яңа төсмерләр алып үзгәрә, бу чын тылсым, – ди Тәтештән Любовь ­Протасова. 

Олы Тархан авылында яшәүче Заһирә Шагаева әйтүенчә, чәчәкләр үстерү белән ул күптәннән мавыга.

– Бакчабызда – чәчәкләр, ә өйдә гөлләр үсеп утырмаса, күңелемә нидер җитмәгән кебек була. Алар тормышыма ямь, өебезгә җылылык һәм матурлык өсти. Аеруча розалар һәм лилияләр үстерергә яратам. Бакчабызны петунияләр, георгиннар һәм тагын бик күп төрле чәчәкләр бизи. Аларга карагач, сокланып туеп булмый. Минемчә, җәйнең бөтен гүзәллеге нәкъ менә чәчәкләрдә чагыла.

Чәчәк үстерү белән авыл клубына эшкә урнашкач җитди шөгыльләнә башладым. Бервакыт районда төзекләндерү буенча конкурс игълан иттеләр. Мин дә катнашырга булдым, матур чәчәклек булдырдым һәм шул хезмәтем белән икенче урынны яуладым. 

Өебездә ел әйләнәсе яран гөлләр шау чәчәктә утыра. Аларны бәхет өләшүче гөлләр, дип тә әйтәләр. Бәлки, шуңа күрә дә аларны аеруча яратамдыр. Быел чәчәкләрне капка төбенә генә түгел, хәтта өебез каршында төзекләндереп куелган электр баганасы тирәсенә дә утырттым. Хәзер анда да төрле төстәге чәчәкләр күз явын алып үсә. Бакчабыз соңгы көзгә кадәр чәчәкләргә күмелеп утыра, ә аларның гүзәллеге көн саен күңелебезне күтәреп, рухландырып тора, – дип уртаклашты Заһирә Шагаева.