Алда – армиядә хезмәт итү

(Тәтеш, 18 апрель, “Тәтеш таңнары”, Елена Калашникова, фото Алена Пантюхина). Хәрби хезмәткә чакырылучылар көне үзенең Ватанын ярату хакына конституцион бурычларын үтәргә әзер булучыларга багышлана! Язгы чакырылышта районыбыздан утыздан күбрәк егет Россиянең армия сафларын ­тулыландырачак.

Тәтеш районы башлыгы Рәмис Сафиуллов һәм рай­онның хәрби комиссары Фәнис Гарифуллин аларга изге теләкләрен белдерделәр.
Район мәдәният йорты артистлары, үзешчән сәнгатьтә җырлаучылар һәм коллективлар, балалар сәнгать мәктәбе армиягә чакырылучылар өчен иҗади номерлар әзер­ләгәннәр иде.

Булачак солдатларның берсенең әнисе – Рушания Алимбекова чакырылышларга ата-аналар­ның хәер-фатихасы белән мөрә­җәгать итте. 
– Безнең өчен гражданнар тормышы тә­мамланды, без Россия Кораллы көчләре сафына керәбез. Армиядә хезмәт  итүгә төрлечә карарга мөмкин, ләкин, бернәрсәгә дә карамас­тан, безнең һәркайсыбыз лаек­лы хезмәт итәргә тиеш дип саныйм. Бары тик Ватанга булган бурычны үтәп кенә калмыйча, шулай ук аны да, якын кешеләребезне һәм туганнарыбызны да сак­ларга өйрәнергә кирәк, – диде чакырылыш Кирилл ­Николаев.