Асфальт буйлап тавыклар йөри

(Тәтеш, 8 сентябрь, "Тәтеш таңнары"). “Тәтеш көннән-көн сизелерлек төзекләнә, матурлыгы һәм чәчәкләре белән гаҗәпләндерә. Безнең, өлкән кешеләрнең, йорт яннарына шулай ук чәчәкләр утыртасы, клумбалар ясыйсы килә, ләкин асфальт түшәлгән урамнар буйлап тавык­лар йөри”, – дип яза алар.

Ни аяныч, Тәтешнең кайбер урамнарында мондый күренешне шактый еш очратырга була. Шәһәр буйлап йөргән йорт кош­лары яшел үсентеләргә зыян китерә, төзекләндерелгән урамнарның чисталыгын боза. Тавык хуҗаларына мөрәҗәгать итәсе килә: йорт кошларын үзегезнең территориядә асрагыз.