Җәмгыять

Балаларның иминлеге өчен ата-аналар җаваплы

Статистика янгыннар күләменең 15тән алып 25 процентка кадәргесе балаларның ут белән шая­руыннан һәм җылыткыч приборлардан чыгуын күрсәтә.

(Тәтеш, 29 август, «Тәтеш таңнары»). ТР буенча Россия Гадәттән тыш хәл­ләр ми­нистрлыгының кү­зәт­­челек эшчәнлеге һәм профилактик эш­ләр дәү­ләт идарәсенең Кама Тамагы һәм Тәтеш районнары буенча районара күзәтче­лек эшчәнлеге бүлеге бала-чагаларның ут белән шаярулары аркасында янгыннар килеп чыкмасын өчен ата-аналарны кисәтә:
– балаларны өйдә күзәтүчесез калдырмагыз;
– шырпыларны балалар кулына эләкми торган урында саклагыз, балаларга кибеттән шырпы һәм папирослар сатып алуны тыегыз, алар артыннан даими күзәтегез;
– балаларга электр җылыткычлар, шәмнәр, кабызгычлар, зурайтып күрсәтә торган пыялалардан файдаланырга, шулай ук газ приборларын кабызыр­га рөхсәт итмәгез;
– балаларга ишегалларында, корылма, салам һәм печән өемнәре яннарында учак ягарга юл куймагыз;
– балаларның чорма һәм подвалларга керүен, кыр­ларда һәм урманнарда корыган үләннәрне яндыруларын тыегыз;
– балаларның ялын өлкәннәр күзәтүе ас­тын­да оештырыгыз, аларга ут белән шаяруның куркыныч булуын даими аңлатып торыгыз;
– балалар артыннан күзәтчелекне ки­метү һәм аларны өйдә бер ­ялгызларын калдырган­да еш кына ут белән ша­ярулары аркасында­ янгыннар, еш кына бә­ла-казалар килеп чыгарга мөмкин булуын исегездә тотыгыз;
– янгын куркынычсызлыгы­ кагыйдәләрен үтәү белән бәйле барлык хәл­­ләрдә үрнәк булыгыз!­­ Балаларга ут­ның никадәрле куркыныч хәлләргә китерүен аңларга ярдәм итегез. Алар сез сөйләгәннәрдән, чын­бар­лыктагы тормыш кү­ренешләреннән һәм кисәтүләрдән чыгып, янгын телләренең куркыныч янавы хакында белсеннәр!
Янгын балаларның күзәтүчесез калуы нәтиҗәсендә килеп чыкса, ул чакта ата-аналар моның өчен закон буенча административ тәртиптә җаваплылыкка тартылуларын истә тотарга тиеш. Бу очракта ата-аналарны административ комисс­ия тарафыннан җәзага тарту каралган. Балаларны күзәтүчесез калдырган өчен ата-аналардан янгын китереп чыгарган зыянның суммасын халык суды зыян күрүченең гаризасы буенча түләтергә хокук­лы. 

Коткару хезмәте телефоны:
стационар телефоннан – 01, кәрәзле телефоннан – 112.


Нет комментариев