Баланы бәладән ничек сакларга?

(Тәтеш, 15 август, «Тәтеш таңнары», Алсу Җиһаншина фотосы). Балалар табигый кызыксынулары аркасында ачык тәрәзә алдында куркып калмыйлар.

Егылып төшүнең күпчелек очраклары ата-аналар сабыйларын күзәтүчесез калдырган вакытта килеп чыга. Кечкенә балаларны беръялгызы калдырмагыз. Ачык тәрәзә сабый өчен үлемгә китерерлек куркыныч булырга мөмкин. Биек­лектән егылып төшеп, һәр елны шактый нарасый якты дөнья белән хушлаша.
Балагызның гомерен сак­лау өчен берничә кагыйдәне исегездә тотыгыз.

– Әгәр өйдә сабый бар икән, тәрәзәләрне беркайчан да ачып куймагыз. Сез бер генә секундка булса да игътибарыгызны читкә юнәлдерәсез икән, бу сезнең балагызның гомерендә соңгысы булырга мөмкин!

–  Москитлардан саклый торган челтәрләр егылып төшүдән саклану өчен билгеләнмәгән. Шулай да, бала аның артында үзен куркынычсыз итеп тоя һәм тәрәзәгә терәлгән кебек, шулай ук аңа да ышанычлы итеп таяна.

– Бала мөстәкыйль рәвештә тәрәзәне ача алмасын өчен, тәрәзәгә блокираторлар урнаштырыгыз.  
– Бала тәрәзә төбенә шуышып менмәсен өчен, тәрәзә янындагы барлык җиһазларны читкә этеп куе­гыз.

– Тәрәзәне мөмкин кадәр өстәнрәк ачыгыз, ә аскы яктан түгел.

– Тәрәзәгә бала берничә сантиметрдан да күбрәк ача алмау мөмкинлеге бирә торган махсус фиксаторлар куегыз.

– Тәрәзәгә рәшәткәләр беркетеп, аларны ышанычлы итегез. Рәшәткәләр балалар ачык тәрәзәдән егылып төшмәсенгә сакл­ап торачак.

– Әгәр сез балага тәрәзә­дән нәрсә дә булса күрсә­тергә теләсәгез – аны һәр­вакытта нык итеп урнаш­тырыгыз, сабыйның кис­кен хәрәкәтләренә әзер булыгыз, уч төпләрегез ко­ры булсын, сабыйны кие­меннән тотып тормагыз. 
Уяу булыгыз!
 

ТР Гадәттән тыш хәлләр  министрлыгы матбугат хезмәте