Бөек Җиңү көне белән!

(Тәтеш, 9 май, "Тәтеш таңнары"). 
Тәтеш районы башлыгы Рәмис Сафиуллов Бөек Ватан сугышында Җиңүнең  
75 еллыгы белән котлый.
– Хөрмәтле ветераннар, тыл эшчәннәре, сугыш чоры балалары, Тәтеш районында яшәүчеләр! 
Бөек Ватан сугышында Җиңүнең 75 еллыгы уңаеннан ихлас котлауларны кабул итегез! Безнең һәркайсыбыз өчен бу иң кадерле, якын, чын мәгънәсендә һәрберебез өчен изге бәйрәм. Әлеге бәйрәмдә – иле­безнең тарихы, һәрбер гаиләдә яшәүчеләрнең югалту ачысы, Ватаныбыз, Җиңү, фидакарьлек һәм каһарманлык күрсәткән безнең күп милләтле халкыбыз  өчен горурлану.  
Бөек Ватан сугышы батырлары арасында без­нең якташларның да булуы белән горурлана­быз. Ветераннарга, яу кырларында  һәм фронт кирәк-яраклары өчен тылда эшләгән, әлеге Бөек Җиңүне якынай­тучыларның һәммәсе алдында баш иябез.
Бөек Ватан сугышында һәлак булучылар йө­рәкләребезне әрнетә һәм фашистларның конц­­лагерьләрендәге түзем­легенә, коточкыч шартларда исән калучыларның батырлыгына сокланабыз.
Без тыл эшчәннәренә чиксез рәхмәтле. Алар ачлык-ялангачлыкта һәм җимереклекләрдә, Җиңүне якынайту өчен бар көчләрен куйган. Сез ­сугыштан соңгы авыр елларда җи­мерелгән шәһәрләрне, заводларны торгызган, авыл хуҗалыгын җайга салган һәм дәүләтебезнең алга таба куәтле үсешенә  нигез салган.  
Хәрби армиянең һәм тыл эшчәннәренең бер­дәмлеге, патриотлык, кешеләрнең үз-үзләрен аямавы, аларның түземлеге һәм каһарманлыгы, нык­лыгы һәм Ватанга олы мәхәббәте генә Бөек Җиңүнең нигезе булуын үсеп килүче буын белергә тиеш. Илбасарларны җи­ңүгә ирешүчеләрнең барысы да безнең өчен үрнәк һәм бүгенге тормышта терәк булып  калсын иде. 
Олы буын яулап алган Бөек Җиңү безгә тынычлыкта яшәргә, эшләргә, яратырга, балалар һәм оныклар белән сөенергә мөмкинлек бирде. Без җиңү яулаучылар буы­ны батырлыгы ­алдында баш иябез.
Ветеран-фронтовикларга, тыл эшчәннәренә, сугыш чоры балаларына һәм барлык өлкән буын вәкилләренә чын күңелдән сәламәтлек, озын гомер телим!
Хөрмәтле Тәтеш районында яшәүчеләр,  иминлек һәм җитешлек сезгә! 
Бөек Җиңү көне белән! – диде Рәмис Хатыйп улы.