Безнең әтиләр нинди?

(Тәтеш, 23 февраль, “Тәтеш таңнары”).

Әдилә, 6 яшь:
 – Минем әти төрле шә­һәрләр буйлап йөри, ул безгә һәр нәрсәдә булыша, безне тәмле ризыклар белән ­сыйлый.
Платон, 5 яшь:
– Минем әти Толя исемле. Мин аны бик тә яратам һәм ул һәрвакытта дөньяны сакларга әзер, моның белән беррәттән ул һәрчак бокста җиңә.
Айзилә, 6 яшь:
– Минем әти полицейский, йөзәргә, сәяхәт итәргә һәм табигатьтә ял итәргә ярата. Ул безне бик ярата.
Влад, 5 яшь:
– Безнең әти зур буйлы. Көчле. Паша исемле. Ул колхозда эшли. Өйдә ул безгә ашарга пилмән, балык әзерли. Савыт-сабаларны юа. Безгә уйнарга телефонын биреп тора. 
Тимур, 6 яшь:
– Минем әти көчле. Ул ике катлы зур йорт төзеде. Мин дә аңа булыштым. Әти өйдә безгә пилмән, сосиска, пылау, ит пешерә. Ул эшкә йөри: агачлар кисә, мунча яга. Аның исеме Әхмәт.
 Софья, 6 яшь:
– Әтиемнең исеме Саша. Безнең белән саф һавада йө­рергә ярата. Төрле шә­һәрләр буйлап йөрибез һәм күп әй­берләр сатып алабыз. 
Камил, 6 яшь:
 – Минем әти кызык, көчле, без аның белән бергәләп уйныйбыз, мин аны бик яратам.
Юля, 5 яшь:
– Минем әти мәрхәмәтле, ул ашарга пешерә белә.

Сораштыруда “Сабый”, “Миләшкәй”, “Әкият” һәм Олы Тархан авылының “Түгәрәк кү­мәч” ба­лалар бакчалары сабыйлары катнашты. 
Материалны тулырак итеп 
безнең “Тәтеш таңнары” сайтында укый аласыз.