Узган атнада Олы Шәмәк авылындагы картлар һәм инвалидлар интернат-йортында яшәүчеләр кунаклар каршылаган.
(Тәтеш, 19 апрель, “Тәтеш таңнары”, Татьяна Кузнецова). Валерий Секанкин һәм район башкарма комитетының ЗАГС бүлеге начальнигы Лариса Дианова интернат-йортка беренчел кирәкле әйберләр һәм татлы бүләкләр алып барганнар. Бүләкләрне сатып алуда һәм илтеп җиткерүдә чуваш милли-мәдәни үзәге җитәкчесе Володар Тимофеев ярдәм күрсәткән, интернат-йортның элекке хезмәткәре Анжелика да әйберләр сатып алуга акча күчергән.
Ураза гаете һәм Пасха бәйрәме алдыннан кунаклар интернат-йортта яшәүчеләрне бәйрәм белән котлаганнар, көнкүрештә кирәкле әйберләр бүләк иткәннәр, ә Валерий Секанкин тортлар да тапшырган.
– Өлкән яшьтәге кешеләрнең күбесе безгә авыр хәлдә, белгечләр әйткәнчә, сәламәтләнүгә өметләре калмаганда килә. Ә бездә алар аякка басалар, гаилә коралар, музыка уен коралларында уйныйлар, – дип билгеләп үтә интернат-йорт директоры Людмила Самаркина. – Безгә кунаклар алып килгән бүләкләр көнкүрештә шактый файда китерәчәк.
Нет комментариев