«Дөнья синең мәхәббәт белән нурланган» дип исемләнгән бәйрәм концерты булып узды

(Тәтеш, 27 ноябрь, "Тәтеш таңнары). 24 ноябрь көнне Урюм авылы мәдәният йортында Әниләр көненә багышланган «Дөнья синең мәхәббәт белән нурланган» дип исемләнгән бәйрәм концерты булып узды.

Бу көнне иң җылы һәм ихлас котлау сүзләре дә яңгырады. «Родничок» балалар бакчасында тәрбияләнүчеләр, «Ялгат» балалар ансамбле, «Добро» дуэты, Починка-Новольяш авыл мәдәният йорты директоры Сергей Ефимов, Сергей Ерастов, Надежда Тронягина һәм Елена Карпова матур концерт номерлары белән сөендерделәр.

Барлык әниләрне дә Урюм авыл җирлеге башлыгы Николай Михайлович Краснов  бәйрәм белән котлап аларга сәламәтлек, бәхет һәм гаилә иминлеге теләде. Авыл халкы артистларга матур концерт өчен рәхмәт белдерде.