Дөреслекне яратучы шәхес

(Тәтеш, 19 декабрь, “Тәтеш таңнары”)

Редакциябезгә җылы эчтәлектәге хатлар килеп тора. Чираттагысын без Олы Тарханда туып-үскән, ТАССРның атказанган уйлап табучысы, техник фәннәр докторы, профессор, капитан-лейтенант Әнәс Җомагыловтан алдык.

– Горурланып язган әлеге язмамда мин Түбән Тархан авылында туган, бар гомерен Татарстанның киләчәге һәм азатлыгы өчен көрәшүчеләрне хоку­кый яктан яклаучы адвокат  Хәмит Һади ул Саматов турында сөйлисем килә, – диелгән хатта. – Ул мәктәптә укыганда ук каникул вакытларында җирлектәге авыл хуҗалыгында төрле эш­ләрдә эшләгән. Аннары армиядә хезмәт итеп, офицер исемен алган. Казанда кооператив техникумны, университетта юридик факультетны тәмамлаган. Хәзерге көндә ул адвокат хезмәтен башкара. Хәмит Һади улының тырыш хезмәте Мактау грамоталары, Рәхмәт хатлары, “Гражданнарның ­хокукы һәм иреге өчен куйган фидакарь хезмәте өчен” медале белән билгеләп үтелгән, “Татарстанның атказанган юристы” дигән мактаулы исем бирелгән.
Әнәс Хафиз улы бил­геләп үткәнчә, Саматовлар нәселенең ирешкән уңышлары белән сөенергә мөмкин.

– Хәмит Һади улының сеңе­лесе Сөембикә дә Татарстан Республикасы­ның атказанган икътисад­чысы исеменә лаек. Алар киләчәк буын­га һәм ­тар­ханлылар­га үрнәк булып торалар. Хә­мит дус­тым киң күңелле, төгәл­лекне һәм дөреслекне яратучы шәхес, – дип яза Әнәс Хафиз улы.