Газ җиһазлары белән сак булыгыз

Уку­чыларыбызга газ җи­һазларын эксплуатация­ләгәндә янгын куркынычсызлыгы чаралары турында Кама Тамагы һәм Тәтеш районнары буенча күзәтчелек эшчәнлегенең районара бүлекчәсе өлкән инспекторы Андрей Харитонов сөйли:

– Газ җиһазларын эксплу­ата­ция­­ләгәндә түбән­дәгеләр тыела: кечкенә яшьтәге балаларга һәм аннан файдалану тәртибе белән таныш булмаган затларга газ приборларыннан файдалану; газ приборларын күзәтүчесез калдыру; шырпы сызганчы яки кул белән ут кабызгычка бас­канчы газ краннарын ачу; газ плитәсе өстендә керләр киптерү, чөнки ут кабырга мөмкин; газ плитәсен кереп-чыгып йөрү юлында, бас­кычларда, агач киртәләр, җиһазлар, пәрдәләр һәм башка янучан предметлар янына урнаштыру. Әгәр дә сез өйдә газ исен сизсәгез, шырпы, ут һәм электр приборларын кабызмагыз, тәмәке тартмагыз. Шул ук вакытта барлык газ приборларын сүндерергә, краннарны ябарга, барлык бүлмәләрне, шул исәптән подвалларны да җилләтергә кирәк. Әгәр газ исе юкка чыкмаса яки җилләтү вакытында юкка чыккач, яңадан барлыкка килсә, 104 телефоны буенча авария газ хезмәтенә яки 112 телефоны буенча бердәм коткару хезмәтенә ­шалтыратыгыз.