Геройлар арабызда яши: ПЕТР ФОМИН

(Тәтеш, 9 май, “Тәтеш таңнары”, Галина Таҗетдинова, автор фотосы). Быел Җиңү көнен безнең белән өч Бөек Ватан сугышында катнашучы,  бер Ленинград кама­лышында яшәүче һәм Бөек Ватан сугы­шында катнашучыларның 32 толы, 121 тыл эшчәне билгеләп үтә: ИВАН АВДОНИН, ПЕТР ФОМИН, ШӘҮКӘТ АХТАПОВ, ЗИНАИДА БИБИНА.

ПЕТР ФОМИН
Петр Фомин Тоншермада крестьян гаиләсендә туа. Авыл мәктәбендә дүртенче сыйныфны тәмамлаганнан соң, “Искра Ильича” колхозында төрле эшләрдә хезмәт куя. 

Үз теләге белән фронтка китәргә сорый, әмма хәрби комиссариатта 16 яшьлек егеткә рөхсәт бирмиләр. 1943 елның гыйнварында, югыйсә балигълык яшенә җитәргә әле тагын 5 ай калган булса да, аны армиягә алалар. Петр Матвеевич яшь сугышчы курсын Ерак Көнчыгышта Бикин шәһәрендә уза, 1943 елның 1 маенда ул хәрби ант кабул итә. 1943 елның авгус­тында Петр Фоминны яңа­дан оештырылган полк составында, укчы полк­та ­кырдагы кабельле ли­­ния телефо­нисты вазифасына кабул итеп, фронтка җи­бәрәләр.      

Сугыш­лар­ның берсендә аның кулы ярала­на. Мәскәүдә аңа операция ясый­лар, шуннан соң сугышчыны тер­нәкләнү өчен Себергә, гос­питальгә җи­­бә­рәләр, ан­нан аны алга таба хез­мәт итәргә ярак­лы түгел дип дә­лилләп, 1944 елның ап­ре­лен­дә чыга­ралар.

Петр Матвеевич Тоншермага кайта, ике елдан өйләнә, гаиләдә җиде бала туа. 

Элекке фронтовик колхозда бригада белән җитәкчелек итә, хезмәт сөючәнлеге һәм җаваплы булуы белән таныла, аннары сатучы булып эшли. “Фидакяр хезмәт өчен” медале белән бүләкләнә. 

Фронтовик  II дәрәҗә Ватан сугышы орденына, “1941 – 1945 елларда Бөек Ватан сугышында Германияне җиңгән өчен”,  “Праганы азат иткән өчен”, “Берлинны алган өчен” медальләренә ия.