Геройлар арабызда яши: ШӘҮКӘТ АХТАПОВ

(Тәтеш, 9 май, “Тәтеш таңнары”, Галина Таҗетдинова, автор фотосы). Быел Җиңү көнен безнең белән 
өч Бөек Ватан сугышында катнашучы,  бер Ленинград кама­лышында яшәүче һәм Бөек Ватан сугы­шында катнашучыларның 
32 толы, 121 тыл эшчәне билгеләп үтә: ИВАН АВДОНИН, ПЕТР ФОМИН, ШӘҮКӘТ АХТАПОВ, ЗИНАИДА БИБИНА.

ШӘҮКӘТ АХТАПОВ
Шәүкәт ­Ахтапов 1927 елның 2 ­но­ябрендә Тү­бән Тархан ­авылында крестьян га­и­ләсендә туа. Ундүрт яшь­тән колхозда эшли башлый. 1944 ел­да аны хәрби хез­мәткә алалар. ­Хәр­­би күнек­мә­ләр­гә Саратов өл­кәсенең Татищево поселогында өйрәнә. Сугыш тәмамла­нырга бер атна кала аны фронтка җибәрергә тиеш булалар, ләкин сугыш тәмамлана. Аннары эчке гаскәрләрдә хезмәт итә, һәм алты ел ярым узгач, 1951 елның маенда Түбән Тарханга кайта. Шул ук елны Бакуга китә, анда 2 ел нефть чыгаруда эшли. 1953 елда кабат туган авылына кайта. Олы Тархан авылында урман сәнәгате хуҗалыгына эшкә урнаша. Озак та үтми өйләнә, гаиләдә алты бала туа.

“1941 – 1945 елларда Бөек Ватан сугышында Германияне җиң­гән өчен”, “Фидакяр хезмәт өчен” ­ме­дальләре белән бүләкләнә.