Геройлар арабызда яши: ЗИНАИДА БИБИНА

(Тәтеш, 9 май, “Тәтеш таңнары”, Галина Таҗетдинова, автор фотосы). Быел Җиңү көнен безнең белән 
өч Бөек Ватан сугышында катнашучы,  бер Ленинград кама­лышында яшәүче һәм Бөек Ватан сугы­шында катнашучыларның 
32 толы, 121 тыл эшчәне билгеләп үтә: ИВАН АВДОНИН, ПЕТР ФОМИН, ШӘҮКӘТ АХТАПОВ, ЗИНАИДА БИБИНА.

ЗИНАИДА БИБИНА
Зинаида Бибина 1936 елның 26 декабрендә ТАССРның Олы Тархан районы (хәзер Тәтеш районы) Урюм авылында ­крестьян гаиләсендә туа.
1940 елда гаиләне халыкны планлы күчерү буенча Карел-Фин ССРга җибәрәләр. Сугыш  башланганлыктан, гаиләне тылга алып китәргә тырышалар, ләкин ул Ленинградка кадәр барып җитәргә генә өлгерә. 1941 елның октябрендә әтисе үз теләге белән фронтка ки­тә, ә хатыны һәм балалары шәһәрдә кала. Беренче булып – апасы Надя, аннары энесе Ваня вафат була.
 Әнисенә балалары белән камалышта калган Ленинградтан чы­гу насыйп була, ­аларны көньяк­ка җи­бәрәләр, 1943 елда алар Урюмга кайта­лар. Ленинград фрон­­тында каты яраланган әтисе шушы ук елны комиссовать ителә.  
Зинаида Харитоновна Ульяновск авыл хуҗалыгы техникумын тәмамлый. Ульяновск өлкәсендә агроном булып эшли, ә бер ел узгач туган авылына кайта, анда белгечлеге буенча хезмәт куя, колхозны берләштергәннән соң – хисапчы була. 
Зинаида Харитонова кияүгә чыккач Тәтешкә күченә, ул 30 елга якын районның социаль тәэмин итү бүлегендә дәүләт пособиеләре буенча инспектор булып хезмәт куя.  
Зинаида Бибинаның “Камалыштагы Ленинградта яшәүче” билгесе, “Фидакяр хезмәт өчен” медале бар.