Ггаиләләргә ярдәм чаралары турында сөйләделәр
Татарстанда балалы гаиләләр санын арттыруга һәм традицион кыйммәтләрне ныгытуга юнәлдерелгән «Гаилә» илкүләм проектын уңышлы гамәлгә ашыру дәвам итә. Күпбалалы, аз керемле, студент, шулай ук авылда яшәүче балалы гаиләләргә аерым игътибар бирелә. Бу хакта Татарстанның Хезмәт, халыкны эш белән тәэмин итү һәм социаль яклау министрлыгы хәбәр итә.
Министрлык мәгълүматлары буенча, ярдәм чаралары республикада яшәүче дистәләгән мең кешене иңли, аларга үсеш һәм үсеп килүче буын алгарышы өчен уңай шартлар булдырырга булыша.
Мәсәлән, 2026 елда 98,4 меңнән артык ата-ана балалар бакчасы өчен түләүгә компенсациядән файдаланган: беренче балага сумманың 20 проценты, икенче балага 50, өченче һәм аннан соңгы балаларга 70 проценты түләнә.
2026 елда 244,5 мең кеше торак һәм коммуналь хезмәтләргә түләү өчен 30 процент күләмендә субсидия, 73,9 мең укучы юл өчен айлык субсидия алган. Шулай ук 6 яшькәчә 42,8 мең балага Татарстанның Министрлар Кабинеты билгеләгән исемлеккә кертелгән дарулар белән бушлай тәэмин итүгә субсидия бирелгән.
Фото: Татар-информ
Тулырак: https://tatar-inform.tatar/news/tatarstannyn-xezmat-ministrlygy-gailalarga-yardam-caralary-turynda-soilade-5925273
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев