Әгәр минем хезмәт хокукларым бозылган икән, мин судка нинди вакытта мөрәҗәгать итәргә тиеш?

(Тәтеш, 14 июнь, "Тәтеш таннары").

– Әгәр минем хезмәт хокукларым бозылган икән, мин судка нинди вакытта мөрәҗәгать итәргә тиеш?
Тәтешле

Тәтеш районы прокуратурасы аңлата:
– Хезмәткәр шәхси хезмәт бәхәсен хәл итү өчен судка, Россия Федерациясе Хезмәт кодексының 392нче маддәсе нигезендә,  үз хокукын бозу турында белгән көннән алып 3 ай дәвамында мөрәҗәгать итәргә хокук­лы, ә эштән азат итү турындагы бәхәсләр буенча – эштән азат итү, хезмәт кенәгәсен бирү яки соңгы эш урыны буенча хезмәт эшчәнлеге турында мәгълүмат бирү турындагы боерыкның күчермәләрен тапшырганнан соң бер ай эчендә.
Хезмәткәр хезмәт хакын түләмәү яисә тулы түләмәү буенча, шул исәптән эштән киткән вакытта хезмәт хакын түләмәгән яисә тулы булмаган түләү һәм хезмәткәргә тиешле башка түләүләр түләнмәгәндә,  түләү билгеләнгән вакыттан соң бер ел дәвамында судка мөрәҗәгать итәргә хокуклы. Күрсәтелгән вакытларны нигезле сәбәп белән уздырган очракта граждан бу срокны суд тәртибендә торгызырга мөмкин. 
Судка мөрәҗәгать итү өчен срокны үткәрүнең нигезле сәбәпләре сыйфатында түбәндәге очраклар булырга мөмкин: хезмәткәр авыруы; командировка; ниндидер үтә алмаслык көч аркасында судка мөрәҗәгать итү мөмкинлеге булмау; гаиләнең каты авыручы әгъзаларын карау; әгәр хезмәткәр гаепләү кагыйдәләре бозылу сәбәпле башка судка мөрәҗәгать итсә, әгәр әлеге бәхәс буенча башлангыч гариза әлеге хезмәткәр тарафыннан РФ ТК 392нче маддәсендә билгеләнгән тәртиптә тапшырылган булса; әгәр прокуратура органнарына яки дәүләт хезмәт инспекциясенә хезмәт хокукларын бозу турындагы гариза белән мөрәҗәгать итеп, күзәтчелек органнары хезмәт хокук­ларын бозуларны бетерү турында карар бирсә, хезмәткәрнең хокуклары судтан тыш тәртиптә торгызыла, һәм ул шул сәбәпле судка мөрәҗәгать итү вакытын үткәргән булса.