Иң мөһиме – юллардагы иминлек

(Тәтеш, 29 август, “Тәтеш таңнары”, Елена Калашникова). Утырыш барышында бүлек начальнигы вазифасын вакытлыча башкаручы Ильмир Гарипов Россия Эчке эшләр министрлыгының Тәтеш районындагы ЮХИДИ бүле­генең агымдагы елның җиде аендагы эшчәнлек нәтиҗәләре турында сөйләде.

– Районда отчет бирү ­вакыты эчендә 4 юл-транспорт һәлакәте бул­­ды, аларда алты кеше төрле дәрә­җәдәге тән җәрәхәтләре алды. ­ЮХИДИ хезмәткәрләре юл хәрәкәте кагыйдәләре бозуның 1078 очрагын ачыклады, шуларның 33е – исерек килеш транспорт йөртү, 12се – гражданнарның транспорт йөртүгә хокукы булмаган яки йөртү хокукыннан мәхрүм ителгән килеш транспорт руле артына утыру, 295е – иминлек каешларын эләктермәү, 9 очрак – каршы хәрәкәт өчен билгеләнгән полосага чыгу, җәяүлеләрнең юл хәрәкәте кагыйдәләрен бозуы – 85 очрак, – дип хәбәр итте Ильмир Гарипов.

Тәтеш һәм Тәтеш районы буенча дәүләт техник күзәтчелек идарәсенең бүлек начальнигы үзйөрешле тех­никаларның һәм тагылма арбаларның техник торышын тикшерү, файдалануга рөхсәт, теркәү документлары һәм билгеләре булу, машина йөртүчеләрнең тиешле таныклык­лары булу-булмавын тикшерү буенча эшләрнең нәтиҗәләре турындагы док­лад белән чыгыш ясады.

– Бүгенге көндә бүлектә 1475 үз­йөрешле техника теркәлгән. Шуның 307се – тагылма арба, 1168се – үзйөрешле машина, шулардан 787се – трактор, 25е – юл-төзелеш машинасы, 96 ашлык җыю һәм 18 азык җыю комбайны, 134 кар чанасы һәм квадроцикл, 108е – башка үзйөрешле машиналар, – диде ул.

“Юл хәрәкәте иминлеге” ДБУның территориаль идарә начальнигы Наил Агишев зур авырлыктагы контроль, юл буе полосаларын һәм автомобиль юллары полосаларын билгеләнгән тәртиптә куллану, балаларның юл-транспорт имгәнүләрен профилактикалау турындагы доклад белән ­чыгыш ясады.

Тәтеш үзәк район хастаханәсенең баш табибы Илья Савельев юл-транс­порт һәлакәтләрендә зыян күрү­челәргә медицина ярдәме күрсәтүне камилләштерү турында сөйләде, ә район башкарма комитетының мәгариф бүлеге начальнигы Гөлнара Кирилина мәгариф учреждениеләрендә балаларның юл-транспорт имгә­нүләрен профилактикалау, мәктәп автобусларын тикшерү һәм балаларны мәктәп автобуслары белән йөртү таләпләрен үтәү турында бәян итте.

Утырыш нәтиҗәләре буенча, юл хәрәкәте иминлеген тәэмин итү комиссиясе рәисе Альберт Гасимов тарафыннан тиешле күрсәтмәләр бирелде.

фото: архив/Авангард