«Изге Болгар җыены»: КазанФорумында тарих яңарышы

Идел буе Болгар дәүләтендә Ислам динен рәсми кабул итүгә багышланган «Изге Болгар җыены» тантанасы 17 майда узачак. 2026 елда бәйрәм, 12–17 май көннәрендә Казанда узачак «Россия – Ислам дөньясы» XVII халыкара икътисади форумының мәдәни программасына кертелгән. Бу хакта ТР Мәдәният министрлыгы матбугат хезмәте хәбәр итә.

Чарада Татарстан җитәкчелеге, Россия төбәкләреннән делегацияләр, төбәкләрдәге һәм чит илләрдәге Диния нәзарәтләре вәкилләре, шулай ук мөселман җәмгыятьләре вәкилләре катнашыр дип көтелә.

Бәйрәм программасы:

• 09:00 — Истәлек билгесе янында концерт белән башлану.
• 10:45 — төп сәхнәдә пролог күрсәтеләчәк.
• 11:00 — 922 елда Идел буе Болгар дәүләтендә Ислам динен рәсми кабул итүгә багышланган «Изге Болгар җыены»ның рәсми ачылышы.
• 12:00 — Җәмигъ мәчете янындагы мәйданда җәмәгать белән өйлә намазы укылачак.
• 12:30 — төп сәхнәдә татар артистлары катнашында концерт башлана.

Көн дәвамында (08:00–20:00) Болгар дәүләт тарих‑архитектура музей‑тыюлыгы территориясендә күргәзмәләр ачылачак:

1. «Нәфислек коллекциясе» (фаянс һәм фарфор савыт‑саба);
2. «Рәсем сәнгате симфониясе»;
3. «Җиңү бүләкләре» — 1941–1945 еллардагы Бөек Ватан сугышы чорындагы күкрәк тамгалары куелган экспозиция;
4. «Каллиграфия сәнгате» — шамаиль күргәзмәсе.

Өстәмә активлыклар:

• 09:00–12:00 — Болгар цивилизациясе музееның беренче катында «Язу тарихы» интерактив мәйданчыгы эшләячәк. Анда килүчеләргә урта гасыр карасының ничек ясалганын күрсәтәчәкләр һәм гарәп каллиграфиясе нигезләре белән таныштырачаклар.
• 09:00–14:00 — кунаклар «Көрәш» милли көрәш ярышларын күрә алачак.
• 10:15 — «Кече манара һәм Хан төрбәсе» архитектура комплексы территориясендә тәүбәгә килүгә багышланган «Тәүбә» намазы укылачак.

Көн дәвамында барлык музей объектлары ачык булачак. Шулай ук Татарстанның халык һөнәрчелеге эшләнмәләре күргәзмәсе һәм аларны сату оештырылачак.

Фото: «Татар-информ», Салават Камалетдинов