Кабымлык үлемгә китергән

(Тәтеш, 13 июнь, "Тәтеш таңнары").  Тәтешнең район судында үтерү кылуда гаепле дип танылган 69 яшьлек кешегә карата җинаять эше каралган.

Хөкем ителүченең 2020 елның 9 мартында ул яшәгән каралты эчендә танышы белән спиртлы эчемлек эчкәнлеге ачыкланган. Кәеф-сафа кору барышында ир-атлар бәхәсләшеп киткәннәр. Кунакның янәсе дә барлык кабымлыкны ашап бетерүе шуңа сәбәпче булган. Ызгыш кызган мәлдә хуҗа балта белән аның башына берничә тапкыр суккан. Зыян күрүче алган яралардан шунда ук җан биргән. Хөкем ителүче шуннан соң булган хәл хакында полиция хезмәткәрләренә үзе хәбәр иткән. Хөкем ителүче үзенең гае­бен тулысынча таныган. Суд аны 1 елга ирегеннән чикләү белән, 9 елга ирегеннән мәхрүм итү карары чыгарган.  Ул хөкем җәзасын каты тәртиптәге төзәтү колониясендә үтәчәк. 
Хөкем карары законлы көченә кермәгән. 

фото: архив/Авангард