Тәтеш таңнары

Тәтеш районы

18+
Рус Тат
2024 - год Семьи
Җәмгыять

“Карлыгач” лагерында 14 бала язгы каникул вакытында ял итте

Урюмда урнашкан “Карлыгач” лагерында ишетү ягыннан тайпылышлары булган 7дән 17 ­яшькә кадәрге 14 бала язгы каникул вакытында ял итте.

(Тәтеш, 8 апрель, “Тәтеш таңнары”). Балалар билгеләп үткәнчә, Көлке кө­нендә алар Балыкчылык тарихы музеена һәм Урюм авылындагы тарих музеена барганнар, бассейнда булганнар, “Форпост” хезмәткәрләре тарафыннан оештырылган бәйге­ләрдә, мастер-класс­ларда, чараларда катнашканнар, төрле халыкларның гореф-гадәтләре һәм йолалары турында әңгәмә корганнар, мәртәбәле кунаклар белән ­очрашканнар.  

Начальник Дмитрий Пирогов җитәкче­легендәге “Карлыгач” хезмәткәр­ләре балаларның ялын иҗади яктан кызыксындыргыч иткәннәр: чара планын җентекләп уйлап кына калмыйча, шулай ук һәр сменага исем дә биргәннәр. Язгысы, мисалга, “Светлячок” дип аталган. 
Ләкин каникуллар азагына якынлашты, смена да тәмам­ланды. Ул педагоглар җитәк­челегендә балалар әзерләгән бәй­рәм концерты белән төгәл­ләнде, алар анда кунак­лар да чакырдылар. Алар арасында “Авангард” газетасы журналистлары да бар иде.  

– Быел без сәламәтләндерү кампаниясен язгы сменадан башладык. Ул бик кыс­ка булды, нибары җи­де көн генә, аның каравы шушы вакыт эчендә без планлаштырылган барлык чараларны да үткәрдек. Сезгә “Карлыгач”та ошагандыр дип өметләнәбез, җәйгә без сезне кабат көтәбез, – дип мөрәҗәгать итте балаларга лагерь начальнигы Дмитрий Пирогов. 

Ул быел “Карлыгач”та җи­де смена планлаштырылуын билгеләп үтте: берсе – язгы, ул инде тәмамланды, дүртесе җәй айларында оештырылачак, берешәр – көзге һәм кышкы каникуллар вакытында.  

Кунаклар бәйрәм концертына буш кул белән килмәгәннәр иде. “ТТС 16” предприятиесе “Кар­лы­гач”ка пластик өстәл­ләр һәм ачык һавада шө­гыльләнер өчен урындык­лар бирде, эшкуар Валерий Секанкин балаларга бүләккә – Тәтеш сурәте төшерелгән кружкалар, татар милли-мәдәни үзәге җитәкчесе Асия Ибраһимова балаларга татлы күчтәнәчләр тапшырды.  

Балалар тамашачылар­ны үз­лә­ренең иҗади номерлары бе­лән сөендер­деләр. Алар кунак­ларга җыр­ларның тирән мәгъ­нәсен сүзсез генә, кул иша­рәләре һәм йөз хәрәкәт­ләре ярдәмендә, биюләр аркылы үзләренең рух күтә­ренкелеген җиткерә алдылар, һәм, әлбәттә инде, шаян номерлар да булды, чөнки сменаның соңгы көне Көлке көненә туры килде.   

Следите за самым важным и интересным в Telegram-каналеТатмедиа


Оставляйте реакции

0

0

0

0

0

К сожалению, реакцию можно поставить не более одного раза :(
Мы работаем над улучшением нашего сервиса

Нет комментариев

2
X