Казан янында Идел елгасында коткару жилеты кигән ир-ат мәете тапканнар
Җәмгыять

Казан янында Идел елгасында коткару жилеты кигән ир-ат мәете тапканнар

Ир-атның шәхесен полиция ачыклаячак.

Казан янында Идел елгасында коткару жилеты кигән ир-ат мәете тапканнар. Бу хакта Россия Гадәттән тыш хәлләр министрлыгының Татарстан буенча Баш идарәсе матбугат хезмәтендә хәбәр иттеләр. Аны «Татар-информ» хәбәр итә.

Бүген ашыгыч хезмәтнең бердәм 112 номерына 6.00 сәгать тирәсендә Идел елгасында кеше булырга мөмкинлеге турында хәбәр килде.

Һәлакәт урынына килгән коткаручылар ярдан 500 метр ераклыкта, камышлар арасында ир-ат мәетен тапкан. Ул өске киемнәрдән, шулай ук резин итек һәм коткару жилеты кигән булган.

Ир-атка 60 яшь чамасы. Мәетне ярга чыгарганнар һәм полициягә тапшырганнар. Ир-атның шәхесен ачыклыйлар.

фото: ГУ МЧС России по РТ


Нет комментариев