Хәрби хезмәтен ул сержант исемендә тәмам­ла­ган

(Тәтеш, 12 август, "Тәтеш таннары", Татьяна Кузнецова).

– 1980 елның 3 маенда армиягә чакыру алдым. Ул көнне безнең районнан унбиш кеше иде. Казанда хәрби комиссариатта бер төркемгә җыелдык, ә аннары төрле җирләргә эләктек. Лаптевкадан Юрий Ефимов белән безне аэродромнан самолетта Иркутскига җибәрделәр, аннары – Приморский краена, Воздвиженка хәрби аэродромына озаттылар. Аннан инде Петровск-Байкал аръягына хезмәт итү урынына өч тәүлек поездда бардык, – ди Александр ­Павлович.

Редакциябезгә ул 1981 елның декабрендә төшкән аклы-каралы фоторәсемен алып килде. Анда ике якташ: ул үзе һәм Юрий Ефимов, әле тагын аларның хезмәттәше Пермьнән Ратмир Гузаиров. 

Александр Павлович белдерүенчә, аларның хезмәт юлы узганга күп еллар вакыт үткән, фоторәсемнең сакланып калуы үзе бер могҗиза.

– Ул көнне без ял көне алып шәһәргә чыктык. Ябык гарнизонда хезмәт иткәнлектән, шул вакыт эчендә нибары ике тапкыр ял алдык. Фоторәсемгә тө­шәргә һәм тәүге, бердән­бер сурәтне туганнарга җибәрергә булдык. Ни аяныч, Юра инде берничә ел элек вафат булды, – ди Александр Павлович. 

1981 елның августында, яхшы хезмәт иткән өчен, ХҺК көненә аңа кыска вакытлы ял бирүләрен искә төшерә. Бу аңа өенә кайтырга мөмкинлек биргән.

Хәрби хезмәтен ул сержант исемендә тәмам­ла­ган, Юрий Ефимов – өлкән сержант буларак, икесе дә “ХҺК отличнигы” билгесе белән бүләкләнгән. 
 

Хезмәттәшләрнең Яңа ел алдыннан төшкән сурәтләре (сулдан уңга): Юрий Ефимов,
Ратмир Гузаиров һәм Александр Николаев./ФОТО АЛЕКСАНДР НИКОЛАЕВ АРХИВЫННАН