Көллият курсантлары медальләр яулап кайтты
Җәмгыять

Көллият курсантлары медальләр яулап кайтты

Декабрь башында республикабызда “Яшь һөнәр ияләре” төбәк чемпионаты тәмамланды, анда Тәтеш дәүләт гражданнарны як­лау көллияте курсантлары да катнашты.

(Тәтеш, 27 декабрь, “Тәтеш таңнары”, Елена Калашникова). Декабрь башында республикабызда “Яшь һөнәр ияләре” төбәк чемпионаты тәмамланды, анда Тәтеш дәүләт гражданнарны як­лау көллияте курсантлары да катнашты. Уку йорты коман­дасы “Хокук ­сак­лау эш­чәнлеге (полицейский)” компетенциясендә икенче урынны алды. “Пилот­сыз һава судноларын тыш­кы йөртү һәм файдала­ну” компетенциясендә кур­сантларның ике командасы да көмеш һәм бронза яулады. Бу ком­пе­тенцияләр буенча ярыш­­лар Татарстанда берен­че тапкыр уз­ды, шулай булгач яшьләр өчен ул үзенә бер төрле дебют булды. 

“Мин чемпионатта “Хокук саклау эшчәнлеге” компетенциясе буенча катнаштым. Безне укытучы Альберт Равилович Абдурахманов әзер­­ләде, Тәтешнең эч­ке эшләр бүлеге хезмәт­кәр­ләре ярдәм итте. Алар үз эшләренең чын ос­та­лары. Чемпионат тәмам­ланганчы безне хупладылар һәм безнең командага булыштылар, авыр хәлдә калганда хокук бозучылар белән ничек эш йөртергә кирәклеге хакында киңәшләр бирделәр. Ярышларда без үзебезне лаеклы итеп күрсәттек дип уйлыйбыз, алган бар­лык белемнәрне кулландык. Бәйгеләр һәм би­ремнәр төрледән-төрле, кызык һәм танып белүле булды. Өйрәнү барышында яңа дусларым һәм танышларым барлыкка килде. Көндәшләребез көчле иде, бөтен  Татарстаннан биш команда катнашты. Мондый чаралар кыз­ларга һәм егетләргә үз­ләрен күрсәтү, яңа дуслар табу һәм команда рухын тоя алу мөмкинлеген бирә”, – дип ­уртаклаш­ты көллият курсанты Ай­дар Вәлиуллов. “Пилотсыз һа­ва судноларын тышкы йөртү һәм файдалану” ком­­петенциясендә яшь­ләрне әзерләүдә җирле ТВның оператор-монтажеры Максим Сергеев булышлык күрсәткән. Ярышлар ТР махсус һөнәри белем бирү учреждениеләре базасында узган.


Нет комментариев