Кояш телетрансляцияне начарайта

(Тәтеш, 23 февраль, “Тәтеш таңнары”).
Тәтеш телеүзәге хезмәткәрләре район халкын шул хакта кисәтә. Җир, Кояш тирәли әйләнеп чыгып, төнь­як ярымшарның күк яктысына таба борыла. Мондый вакытта язгы кояш интер­ференциясе күзәтелә, шул ук вакытта Кояш радиодулкыннарының иярченнән тапшыргычның җир өсте станциясенә тапшырыла торган телевизион сигналны кабул итү өчен тоткарлыклар китереп чыгарырга мөмкин.  

– Бу радиодулкынның көчле чыганагы – Кояш,  спутник тапшырулары һәм спутник элемтәсенең җир өстенең кабул итү антеннасы бер туры линиягә тезелгәндә барлыкка килә. Кояш интерференциясе барлыкка килгәндә, телевизор экраннарында күренешләрнең азга гына вакыт-вакыт “туктап калуы”, пиксельләрдә тулысынча югалу белән төзексезлекләр күзәтелергә мөмкин. Бу озакка сузылмый – берничә секундтан алып биш минутка кадәр була. Цифрлы ТВ эфирын кулланучыларның күбесе моны хәтта сизмәячәк тә, – ди ТР радио-телевизион тапшырулар үзәгенең Тәтеш цехы начальнигы Венер Мостаев.

Татарстанда язгы интерференция 21 февральдә башланды һәм ул 16 мартка кадәр 11:57дән 13:06га кадәр вакыт аралыгында дәвам итәчәк.