Конституциягә төзәтмәләр кертү Россиядә юридик яктан куркынычсызлыкны тәэмин итүгә корылган

(Тәтеш, 23 март, “Тәтеш таңнары”). КНИТУның дәүләт, муниципаль идарә һәм социология кафедрасы мөдире Андрей Тузиков фикеренчә, Россиянең сәяси көндәшлеген көчәйтү шартларында үзеңә юридик яктан   куркынычсызлыкны тәэмин итәргә кирәк. Ул “Татар-информ” МА хәбәрчесе белән әңгәмә вакытында шул хакта хәбәр итте. 

“Без көндәшлектә көрәшүнең кискен көчәюен күрәбез. Илләр барыннан да бигрәк үзләренең мәнфәгатьләрен кайгырта башлый. Мондый геосәяси көндәшлек шартларында Россия шулай ук үзен халыкара судларда йөртмәсеннәр өчен юридик басым ясарга тиеш”, – диде Андрей Тузиков.

Аның фикеренчә, һәрбер илне территориаль тулаемлылык кызыксындыра, шуңа күрә Россия территорияләрен читләтүгә юнәлтелгән теләсә нинди өндәүләрне һәм гамәлләрне тыю турындагы Төп законга төзәтмәләр кертү кирәк булды.

“Әлеге төзәтмәләр күптәннән кирәк иде. Илебезнең аянычлы тәҗрибәсе бар, Кырымны һәм башка территорияләрне биргән чакта, аның территорияләрен бүлергә омтылдылар. Тагын андый хәл булырга тиеш түгел”, – дип йомгаклады сүзен социология фәннәре докторы.