Ришвәт бирү һәм алу коррупцияле хокук бозуга кагыла.
(Тәтеш, 6 июнь, “Тәтеш таңнары", Инга Сәфәрова ). “Коррупциягә каршы хәрәкәт турында”гы Федераль канун (№ 273-ФЗ) нигезендә, хезмәт дәрәҗәсеннән явызларча файдалану, ришвәт бирү, ришвәт алу, вәкаләтләрне явызларча куллану, коммерцияле сатып алу яки акча, кыйммәтле әйберләр, башка милек яисә мал-мөлкәт төрендәге хезмәтләр, үзең яки өченче затлар өчен милек хокуклары яисә берәр физик зат аркылы шундый табышны күрсәтелгән затларга законсыз бирү, шулай ук күрсәтелгән эшләрне юридик затлар исеменнән яисә аның мәнфәгатьләрендә башкару максатларында җәмгыять һәм дәүләтнең законлы мәнфәгатьләренә каршы физик зат тарафыннан үзеңнең вазифаи дәрәҗәңне башка төрдә законсыз файдалану коррупция буларак аңлатыла.
Ришвәт бирү һәм алу коррупцияле хокук бозуга кагыла:
Ришвәт – акча, кыйммәтле кәгазь, ниндидер милек яки милек төрендә законсыз хезмәтләр күрсәтү яисә берәр мал-мөлкәткә хокук тәкъдим итү төрендә булырга мөмкин.
РФның Җинаятьләр кодексы ришвәт алу кебек, шулай ук ришвәт бирүне һәм ришвәтчелектә арадашчылык өчен җинаять җаваплылыгын күз уңында тота.
Хезмәткәрнең бәхәсле мәнфәгатьләрдәге хәле дә коррупцияле хокук бозуга кагыла.
Мәнфәгатьләрдә бәхәс булган вакытта хезмәткәрнең шәхси кызыксынуы (турыдан-туры яки турыдан-туры аңа карамаган) йогынты ясарга яки аның вазифаи бурычларын башкаруга тәэсир итәргә мөмкин.
Өстәвенә хезмәткәрнең шәхси мәнфәгатьләре һәм хокуклары гражданнарның, оешмаларның, җәмгыять яки дәүләтнең законлы мәнфәгатьләре арасында каршылык килеп чыгарга мөмкин.
Шәхси кызыксыну – акча, ниндидер милек, шул исәптән мөлкәткә хокук, милек төрендәге хезмәтләр яки нинди дә булса төрдәге табыш алу мөмкинлеге/хезмәткәр кебек, шулай ук аның белән якын туганлыкта торган яисә шундый затлар белән туганлыкның (туганнар, дуслар, танышлар) турыдан-туры өстенлеге.
Прокуратура органнары һәр хезмәткәргә теләсә нинди бәхәсле мәнфәгатьләр килеп чыгу мөмкинлегенә юл куймау буенча чаралар кулланырга бурычлы икәнлеген искә төшерә.
Хезмәткәр мәнфәгатьләрдә низаг яки аның килеп чыгу ихтималы турында (аңа бу хакта билгеле булгач ук) эш бирүче вәкилгә язмача төрдә белдерергә бурычлы.
Әгәр дә хезмәткәрнең бәхәсле мәнфәгатьләргә китерә яки китерергә мөмкин булган шәхси кызыксынуы барлыкка килү турында билгеле булса, эш бирүче вәкил мондый низагны бетерү яисә җайга салу буенча чаралар кулланырга бурычлы.
Муниципаль хезмәткәр тарафыннан бәхәсле мәнфәгатьләрне бетерү һәм җайга салу буенча дәүләт яисә муниципаль чаралар кулланмау аны РФ законы нигезендә эштән азат итүгә китерә торган хокук бозу булып тора.
Мондый санкциянең кырыслыгы гражданнар, оешмалар, җәмгыять, РФ яки Россия Федерациясе субъектының законлы мәнфәгатьләренә зыян китерүгә юл куймауга бәйләнгән һәм бәхәсле мәнфәгатьләрне җайга салу нәтиҗәсен исәпкә алу белән акланган булып тәкъдим ителә.
Прокуратура органнары искә төшерә, хезмәткәрләр бәхәсле мәнфәгатьләрне бетерү һәм җайга салу буенча чаралар кулланмаган өчен дисциплинар җаваплылыкка җәлеп ителергә мөмкин: ышанычны югалту белән бәйле эштән азат итү; тулы булмаган вазифага туры китереп кисәтү; шелтә белдерү; кисәтү.
Нет комментариев