Күркәм юбилеен билгеләп үтте
Җәмгыять

Күркәм юбилеен билгеләп үтте

Өммегөлсем Галәтдин кызы 1920 елның 1 июлендә Башчы авылында күп балалы гаиләдә туа.

(Тәтеш, 15 июль, "Тәтеш таңнары"). Сөендектән  тыл эшчәне Өммегөлсем әби Аббазовага йөз яшь тулды.

Өммегөлсем Галәтдин кызы 1920 елның 1 июлендә Башчы авылында күп балалы гаиләдә туа. Алты баладан ул иң ­олысы була. Бөек Ватан сугышы вакытларында колхозда сыер савучы булып эшли. Утлы еллар тәмамлангач, Сөендектән сугышта катнашкан егеткә кияүгә чыга. Алар ике малай тәрбияләп үстергән. Лаек­лы ялга чыкканчы Энгельс исемендәге колхозда төрле эшләрдә хезмәт куйган.

Өммегөлсем әби Галәтдинова бүгенгесе көндә улларының берсе белән гомер кичерә. Алар җәйге айларны авылда уздыралар, кышын һәм язын – Тәтештә. Тыл эшчәнен йөз еллык юбилее көнендә Сөендек авылы җирлеге башлыгы Хафиз Измайлов котлап, Татарс­тан Республикасы Президенты Рөстәм Миңнехановтан һәм Тәтеш районы башлыгы Рәмис Сафиулловтан аерым тәбрикләмәләр тапшырды.  
 


Нет комментариев