«Күпмилләтле Салават күпере» гаилә милли фестивале
Россия Федерациясендә Халыклар бердәмлеге елы, Татарстан Республикасында Хәрби батырлык һәм хезмәт фидакарьлеге елы, татар теле атналыгы кысаларында Тәтештәге икенче урта мәктәпнең 6нчы А сыйныфында (сыйныф җитәкчесе Гөлия Нафигыйна) «Күпмилләтле Салават күпере» дип исемләнгән гаилә милли фестивале узды.
Бу чара укучыларны, педагог һәм ата-аналарны мәдәни күптөрлелек, йолалар һәм бердәмлек темасына берләштерде. Чара үзара аңлашу тәрбияләүгә, төрле халыкларның мәдәниятләре турында белемнәрне киңәйтүгә, гаилә багланышларын ныгытуга һәм ватанпәрвәрлек хисләре булдыруга юнәлдерелгән.
Катнашучылар гаиләләре белән рус, татар, мордва, чуваш мәдәниятләрен тәкъдим иттеләр, гореф-гадәтләр, халык бәйрәмнәре һәм үз халыкларының иҗаты турында сөйләделәр, милли киемнәр күрсәттеләр, өстәлләрдә рус, татар, мордва, чуваш милли традицияләренә туры китереп әзерләнгән ризыклар тәкъдим ителде.
Фестивальнең максаты - гаиләләрне берләштерү, үз тамырларыңа мәхәббәт, төрле милләт вәкилләренә һәм аларның мәдәниятләренә хөрмәт тәрбияләү.
Чара үзара аңлашу мохитен булдырырга, танып белү офыкларын киңәйтергә һәм укучыларны киләчәктә дә үз тарихын һәм башка халыкларның мәдәниятен өйрәнергә рухландырырга ярдәм итте.
фотоларны Гулия Нафигина тәкъдим итте
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев