Куркыныч чирне булдырмыйк

(Тәтеш, 13 июль, "Тәтеш таңнары"). Тәтеш районы ветеринария берләшмәсе Ульян өлкәсенең Барыш районы территориясендә дуңгызларның африка чумасы ачыклануы турында хәбәр итә. 

“Хөрмәтле Тәтеш районында яшәүчеләр, мал-­туар хуҗалары, кошчылык хуҗалыклары, мал чалу пунктлары, авыл хуҗалыгы терлекләренең продукцияләрен эшкәртүче һәм алып сатучы предприятие җитәкчеләре РФның уңышсыз субъектларыннан Тәтеш районы территориясенә дуңгызларның африка чумасын кертүгә юл куймау максатында Ульян өлкәсеннән терлекләр (кош­ларны кертеп), азык, терлекчелек җайланмаларын, эш коралларын һәм төзелеш материалларын вакытлыча сатып алмавыгызны үтенәбез”,  – дип мөрәҗәгать итә район ветеринарлары.