Кызамык – куркыныч чир

(Тәтеш, 28 июль, «Тәтеш таңнары»).

ТР Роспотребнадзор мәгълү­матлары буенча, әлеге балалар үзәгендә 5 хезмәткәрнең бер­сенең дә, шулай ук 42 тәр­бия­лә­нүчедән 31енең кызамыкка каршы профилактик прививкасы ­булмаган.  

 
Тәтеш үзәк район хас­та­ханәсенең гомумтәҗ­рибә табибы ­Галина ­Горла­нова чирнең бил­геләре, авы­ру­ның нә­тиҗәләре  һәм дәва­ла­ну турында сөйләде:

 – Кызамык – бик йогышлы чир. Барысы да температура югары күтәрелүдән, тамак авыртудан, томау төшүдән, хәлсезлектән башлана. Аннары тимгелләр, яктылыктан күрку, күз­ләр­­нең лайлалы ­тышчасы кызару барлыкка килә. Өзлегүләр вакытында, барыннан да бигрәк: отит, гайморит, бронхит, пневмония, гепатит һәм пиелонефрит күзәтелә. Кызамык ­энцефалиты һәм менингит кебек иң авыр нәтиҗәләр үлемгә ки­те­рергә мөмкин.

Кызамык чире йөкле ­ха­­­­­­­­т­­­ын­-кызларга ­аеруча зур куркыныч ­тудыра.  Ви­рус белән очрашу ярал­гы­ның үсешен бозарга һәм хатын-кызның үзенең дә сәламәтлегенә тискәре ­йогынты ясарга мөмкин.

Вакцина ясату – кыза­мыктан саклануның бер­дәнбер ысулы. ­Балаларга прививканы планлы рә­веш­тә 1 яшендә ясыйлар, ә икенче тапкырын – 
6 яшьтә. ­Прививка ясатмаган, авырмаган өлкәннәргә һәм берничә тапкыр прививка ясатучыларга, кызамыкка каршы прививканы 35 яшькә кадәр ясыйлар. Аерым төр кешеләргә, мәсәлән, медицина, сәүдә, социаль учреждениеләр һәм коммуналь өлкәләр хезмәткәрләренә кызамык­ка каршы прививка 55 яшь­кә кадәр ясала.    

Кызамыкка каршы прививканы, гомумтәҗрибә табибы белән алдан киңәшкәннән соң, Тәтеш үзәк район хастаханәсендә ясатырга була.