“Мәктәпкә җыенырга ярдәм ит”

 (Тәтеш, 16 август, "Тәтеш таңнары"). Булачак беренче сыйныфлар өчен бәйрәм мавыктыргыч һәм кызыклы булды: йорт иясе Кузя уен төрендә танып белү викториналары һәм бәйгеләр уздырды, анда балалар бик теләп катнашты. Оештыру эшләре бүлеге мөдире, районның мәдәният хезмәткәрләре профсоюзы рәисе Гүзәл Ибраһимова балаларны тормышларында яңа этап башлану белән тәб­рикләде, аларга укуларында уңышлар теләде һәм ун булачак мәктәп укучысына – әти-әниләре мәдәният өлкәсендә эшләгән балаларга портфельләр тапшырды.