Өлкәннәр турында кайгыртып

(Тәтеш, 4 март, “Тәтеш таңнары). 
Тәтешнең үзәк район хас­таханәсе поликлиникасында өлкән буын гражданнарны кабул итү өчен бүлмә бүлеп бирелгән, гериатрия бүлмәсенә лицензия алынган, гериатрия буенча табиб – белгечлеккә укыту һәм 2020 елның икенче кварталында бүлмәне эшләтү планлаштырыла.

Белешмә

Гериатрия медицина яр­дәме  – актив озын гомерне, өлкән һәм картлык яшендә тормыш сыйфатын арттыру максатында хроник инвалидлык чирләре белән интегүче пациентларга озак вакытлы медик-социаль-психологик ярдәм күрсәтү. 

2019 елда 456 өлкән буын пациентлар көндезге стационар шартларында, шул исәптән өйдә стационар рәвештә медицина ярдәме алган, шулардан 75 пациент ике тапкыр көндезге стационар шартларда ­дәваланган. 

Аз хәрәкәтләнүчеләргә һәм ерак урнашкан авыл җир­лекләрендә яшәүче­ләргә өйләренә барып медицина ярдәме күрсәтү оештырылган. Районыбыз­ның сәламәтлек саклау учреждениеләре базасында әлеге максатлар өчен 4 мобиль табиблар бригадасы булдырылган. Анда бару план-график нигезендә тор­мышка ашырыла.
2019 елның сентябреннән алып 31 декабренә планда 700 кеше булганда үзәк район хастаханәсе полик­линикасына профилактик тикшерү өчен 65 яшьтән өлкән 703 авыл кешесе (100 процент) китерелгән.

Халыкка комплекслы социаль хезмәт күрсәтүче “Тәтеш балкышы” үзәге тарафыннан агымдагы елның февралендә 160 кеше махсус транспорт белән Тәтешнең үзәк район хастаханәсенә һәм Олы Шәмәктәге табиблык амбулаториясенә китерелгән. Районның медицина оешмаларына ел башыннан 30 торак пункттан 312 кеше китерелгән. Алып килү буенча ике айлык план-графигы үтәлгән.