2020 елның 1 апреленнән СЗВ-ТД төре буенча отчет бирү вакыты үзгәрде, бу хакта РПФның Тәтеш районы Идарәсе хәбәр итә.
(Тәтеш, 11 июнь, "Тәтеш таңнары"). “Иминиятләштерүчеләр 2020 елның 1 гыйнварыннан, әгәр дә эшкә кабул итү, эштән азат итү, башка даими эшкә күчү очраклары булса, хезмәт кенәгәсен алып бару тәртибе турында гариза биргән чакта, киләсе отчетка кадәр 15нче числодан да соңга калмыйча, СЗД-ТД төрендә отчет бирәләр иде.
“Мәҗбүри пенсия иминияте системасында шәхси (персоналлаштырылган) исәп турында”гы Федераль законның 2нче һәм 11нче маддәләренә үзгәрешләр кертү турында”гы Федераль закон (№ 136-ФЗ, 24.04.2020 ел) һәм “Иминиятләштерүчеләр тарафыннан Россия Федерациясенең Пенсия фонды территориаль органнарына теркәлгән затларның хезмәт эшчәнлеге турындагы тәртип аерымлыгы һәм вакытлары турында”гы Россия Федерациясе Хөкүмәте Карары (№ 590, 24.04.2020 ел) нигезендә, 27.04.2020 елда гамәлгә керде, 1 апрельдән кабул ителгән һәм азат ителгән иминиятләштерелгән затларга карата отчетны, хезмәт мөнәсәбәтләрен рәсмиләштерүне раслаучы кайбер карарларны яки документларны, хезмәт көненнән дә соңга калмыйча, тиешле боерык (күрсәтмә) басылганның икенче көнендә тапшырырга кирәк”, – дип хәбәр итә РПФның Тәтеш районы Идарәсе начальнигы Ирина Большакова.
Башка даими эшкә күчкән һәм теркәлгән зат тарафыннан хезмәт кенәгәсен алып бару тәртибе турындагы гаризаны – киләсе айның 15нче числосыннан да соңга калмыйча тапшырган очракларда, СЗВ-ТД отчетын тапшыру вакыты үзгәрешсез кала.
Әгәр 2020 елның 1 апреленнән эшкә алу һәм азат ителү очраклары булган икән, ашыгыч рәвештә отчет бирергә кирәк.
Нет комментариев