Тәтеш районындагы эшләмәүче 6148 пенсионерның иминият пенсиясе 6,3 %-ка индексацияләнде.
(Тәтеш, 16 гыйнвар, “Тәтеш таңнары”). РПФның Тәтеш районы Идарәсе мәгълүматлары буенча, 2021 елның 1 гыйнварыннан:
Тәтеш районындагы эшләмәүче 6148 пенсионерның иминият пенсиясе 6,3 %-ка индексацияләнде. Пенсияләр уртача алганда 930 сумга артты. Шәхси пенсия коэффициенты, иминият пенсияләре аны исәпкә алып билгеләнә, 98,86 сум тәшкил итә (2020 елда – 93 сум). Иминият пенсиясе белән бергә 6,3 %-ка индексацияләнүче аңа билгеләнгән түләү 6044,48 сум күләмендә (2020 елда – 5686,25 сум).
ТРда пенсионерларның яшәү минимумы күләме артты һәм 8423 сум тәшкил итте. Матди тәэмин ителешнең гомуми суммасы төбәктәге яшәү минимумыннан түбән булган барлык эшләмәүче пенсионерларның пенсияләренә 2021 елның 1 гыйнварыннан федераль социаль өстәмә билгеләнде. Әлеге өстәмәне районда 401 пенсионер ала, аның уртача күләме 2093 сум тәшкил итә.
Нет комментариев