Район мәдәният йорты каршындагы мәйданда авыл хуҗалыгы ярминкәсе була

(Тәтеш, 14 сентябрь, “Тәтеш таңнары”). Тәтеш районының авыл хуҗалыгы товарлары җитештерүчеләре Казанда авыл хуҗалыгы ярминкәсендә катнаштылар.

Ярминкә сезоны ачылган көнне башкалабызның сәүдә мәйданына районыбызның авыл хуҗалыгы товарлары җитештерүчеләре бер ярым миллион сумнан артыклык суммада продукция алып барганнар. Кирәкле товарны 20 автотранспорт илткән.  

Хәзерге көзге сезонда шәһәрлеләр сөт, ит, яшелчә, иген, җиләк-җимеш культуралары үсентеләрен бик теләп сатып алганнар.  

Тәтеш районында яшәүчеләр һәм кунаклар өчен 2022 елның 17 сентябрендә район мәдәният йорты каршындагы мәйданда авыл хуҗалыгы ярминкәсе була.

Ярминкә 6 сәгать 30 минутта башлана.

16+