Татарстан территориясендә һава торышын Себер антициклоны билгели.
(Тәтеш, 8 декабрь, “Тәтеш таңнары”). Иртәгә, 9 декабрьдә, Татарстанда элек урнашкан аномаль салкын һава торышы саклана. Бу хакта Татарстан Гидрометеорология үзәге хәбәр итә.
Республикада алмашынучан-болытлы һава торышы көтелә. Шул ук вакытта явым-төшем булу ихтималы аз. Юлларда бозлавык хасил була. Төньяк-көнбатыштан көчле җил булачак, дип искәртә синоптиклар.
Төнлә төбәктә һава температурасы -14.. -19 градус, аязган вакытта -21..-26 градус булачак. Көндез -8..-13 градус булуы көтелә.
Метеорологлар фаразы буенча, Татарстанда атна ахырына кадәр аномаль салкыннар торачак. Республика территориясендә һава торышын әлегә Себер антициклоны билгели, дип хәбәр иткән идек. Аны «Татар-информ» хәбәр итә.
фото: архив/Авангард
Нет комментариев