“Рәхмәт сезгә, Россия Аналары!” дип аталган концерт үтте

(Тәтеш, 25 ноябрь, "Тәтеш таңнары, Галина Абраконова, автор фотосы)).

Җәмгыятебез дә әниләрнең ижтимагый әһәмиятен күтәрү максатыннан Россия Федерациясе Президентының 1998 елның 30 гыйнварында чыккан №120 номерлы карары нигезендә  Россиядә ноябрь аеның сонгы якшәмбесе ел саен “Әниләр көне” булып билгеләп үтелә.

Быел ул 24 ноябрь көненә туры килә.

Шушы бәйрәмне билгеләп үтү максаты белән 22 ноябрь көнне Киртәле урта гомуми белем бирү  мәктәбенең  укытучылары, укучылары, Киртәле авылының “Кояшкай” балалар бакчасы, китапханәсе, авыл мәдәният йорты хезмәткәрләре “Рәхмәт сезгә, Россия Аналары!” дип аталган концерт үткәрделәр. Чарага килүчеләрне  бәйрәм белән Киртәле авылы  җирлеге Башлыгы Абмаева А.Г. котлады.