Россия хөкүмәте отставкага китте

(Тәтеш, 15 гыйнвар, "Тәтеш таңнары"). РФ Премьер-министры Дмитрий Медведев Владимир Путинның юлламасыннан соң Россия хөкүмәтенең тулы составы белән отставкага китүе хакында белдерде. «Татар-информ» хабәр итә.

РФ президенты хөкүмәт әгъзаларына хезмәтләре өчен рәхмәтен белдерде, "барысы да тормышка ашмавын" билгеләп үтте. Владимир Путин Министрлар Кабинетының һәр әгъзасы белән очрашачагын әйтте. Әлегә ул хөкүмәт әгъзаларына үз вазифаларын үтәп торуны сорады.