Сак булыгыз: кар һәм боз сөңгеләре
Түбәләрдә боз сөңгеләре һәм кар катламы бәхетсезлек очракларына, йортларның түбә конструкцияләренең, сәнәгать билгеләнешендәге корылмаларның, сәүдә павильоннарының, социаль инфраструктура объектларының утыруына сәбәпче булырга мөмкин.
Тәтеш районының административ-техник инспекциясе бина түбәләреннән кар һәм боз сөңгеләре төшү сәбәпле бәхетсезлек очраклары, шулай ук милеккә матди зыян килергә мөмкин булуын искәртә.
Коммуналь хезмәтләргә һәм бина хуҗаларына түбәләрне, подъезд кыекларын кардан, боздан һәм боз сөңгеләреннән чистарту таләпләрен үтәүгә зур игътибар бирергә кирәк.
Бигрәк тә кешеләр күп була торган социаль әһәмияткә ия объектларда.
— Урамнарда боз сөңгеләре һәм кар асылынган йортлар яныннан үткәндә игътибарлырак булырга, машиналарны андый йортлар тирәсендә калдырмаска чакырабыз. Куркыныч участоклар турында 2-50-01 телефоны номеры буенча хәбәр итүегезне сорыйбыз, — дип мөрәҗәгать итә районның административ-техник начальнигы Максим Гудков.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев