Сәләтләрен күрсәткәннәр

(Тәтеш, 14 сентябрь, “Тәтеш таңнары”).
Бәйгегә бөтен Идел буеннан илледән күбрәк коллектив җыелган, һәм Тәтешнең татар урта мәктәбе укучылары үзләренең иҗади осталыклары белән жюрины сок­ландыра алганнар. Алисә Шакирова “Иң яхшы хатын-кыз роле” номинациясендә, ә Инсаф Мөхәммәтҗанов “Иң яхшы сәхнә образы” номинациясендә җиңү яулаганнар. 
– Безнең укучылар мәктәптәге “Хәят” театр-сту­диясенә йөриләр. Конкурсның жюрие бала­ларыбызның тырышлыгын бәяләгәннәренә мин бик шат, – ди җиңүчеләрнең җитәкчесе Гөлзар Сәгыйрова.