Сәүдә ноктасына сөенәләр Районда халыкка комплекслы хезмәт күрсәтү пункты ачылды.

– Авылда соңгы вакытларда стационар кибет юк иде, атнага ике тапкыр автолавка килде, – ди Бессоново авылы җирлеге башлыгы Юрий Врясов. – Хәзер инде бездә үз сәүдә ноктабыз бар, аның ачылуын кешеләр түземсезләнеп көттеләр. Яңа объект­та уңайлы, заманча хезмәт шартлары булдырылган. Кибет ачу нәтиҗәсендә авыл кешеләренә беренчел кирәкле товарларны сатып алу уңайлырак булачак. Иң мөһиме – атнага өч тапкыр яңа пешкән икмәк ризыклары китереләчәк. Кешеләр шулай ук көндәлек кулланылыштагы товарлардан тыш, ­сатучы Наталья Егоровага башка кирәкле товарларны да алып кайту гозерен җиткерә алачак. Кибет заманча яңа сәүдә җайланмалары бе­лән җиһазландырылган һәм сатып алучыларның үтенечен тиешле дәрәҗә­дә канәгатьләндерә алырлык.