Шәһәребезне төзеклендерү фотофактларда

(Тәтеш, 22 июнь, "Тәтеш таңнары"). Зур Троицк һәм Тынычлык урамнары арасындагы Тәтешкә 200 ел урамында урнашкан балалар мәйданчыгының тирә-ягында барлыкка килгән матур койма­га ата-аналар һәм аларның сабыйлары ихластан сөенә. Койма “Төньяк” ТИҮнең грант акчасы­на сатып алынган һәм урнаш­тырылган. Төньяк микрорайонның ТИҮ рәисе Максим ­Гудков хәбәр иткәнчә, ­“ТР­ның иң яхшы территориаль иҗтимагый үзи­дарә” бәйгесендә 5нче урын өчен тагын бер грант алынган, тиздән  әлеге микрорайонда кешеләрнең сәламәтлеген ныгытыр өчен спорт тренажерлары ­барлыкка киләчәк. Ә бу, димәк, биредә яшәүчеләргә тагын да уңайлырак булачак дигән сүз.

 Тәтештә шәһәр башкарма комитеты җитәк­челеге юл кырыйларына һәм урамнарга яктырткыч баганалар урнаштыру буенча эшләрне дәвам итә.

Проект ­урамында яшәү­че тәтешле әйләнеп үтә торган юл кырыйларына яктырткычлар урнаштыруны шатлыклы вакыйга дип әйтте. Ул болай дип хәбәр итте: “Төзүчеләр яктырткычларның тимер терәкләрен, заманча урам яктырткычларын кыска вакыт эчендә җыйдылар һәм урнаштырдылар. Бу олы юлдагы иминлекне сизелерлек арттырды, чөнки биредә һәрвакытта хәрәкәт күп. Бу очракта ничек әйтәләр – төнлә дә, көндезге кебек, якты”.