Таби ­Соколовлар гомер­ләренең күп өле­шен безнең шәһәр белән бәйләгәннәр
Җәмгыять

Таби ­Соколовлар гомер­ләренең күп өле­шен безнең шәһәр белән бәйләгәннәр

Якты дөньядан күптән киткән, әмма безнең өчен әлегә кадәр бик якын булган тәтешлеләр турында

(Тәтеш, 13 декабрь, “Тәтеш таңнары”).

Табиб Соколовлар: үз-үзен аямаучы, теләсә кайсы көндә һәм сәгатьтә ярдәмгә 
килергә әзер булган кешеләр


Урал заводлары та­бибы­ның оныгы һәм земский табибының улы – Соколов Николай Яковлевич Казан университетының меди­цина факультетын тә­мамлап, табиблык эш­чән­леген 1921 елда Тәтештә башлап җибәрә. Биредә үзенең булачак хатыны Нина Станиславовна Соколова (Дворжецкая) белән танышкан, ул 1916 елда Пет­роградтагы хатын-кызлар медицина инс­титутын тәмамлаган һәм табиб белгечлеге ­алган. 

Н. Я. Соколов ха­ти­рә­ләреннән:
 “Үземнең эшләү вакытында Тә­теш кантоны Кече Яльчик авылында амбулатор кабул итүгә трахома белән авыручы 400гә якын кешенең килүен, аларның табибка күренергә теләп кабул итү бүлмә­сенең ишекләрен җиме­рү­ләрен һәм тәрәзә­ләр­дән керүләрен хәтер­лим. Ул чакта, башка операцияләрдән тыш, сукыраюны булдырмас өчен күз кабакларына егермегә кадәр операция ясарга туры килде. Табиб үзенең көчле фәнни кодрә­те белән авыруның күз күрүен кайтарудан нинди зур ләззәт кичерә!”

Нина ­Станисла­вов­­на Тәтештәге ­мәга­риф комис­сариаты ­кар­­­­шын­дагы мәктәптә  таби­­б булып эшли башлаган. “Ул балалар арасында йөрәк чирен кисәтү һәм профилактикалау буенча эшләүдә беренче көннәреннән актив катнашты, алар өчен бушлай туклануны, шулай ук дәвалау стационарлары оештырды, аның башлангычында безнең районда хатын-кызлар һәм балалар консультацияләре булдырылды”, – дип сөйли Александр ­Дубровский. 
“Нина Станиславовна пианинода бик матур уйнаган, танылган кешеләргә кушылып та уйнаган һәм үзе дә матур җырлаган. Нина Соколова уздырган хәйрия кичәләреннән җыелган акча Тәтештә бала тудыру йорты төзүгә юнәлтелгән, ул аңа 1959 елга кадәр җитәкчелек иткән”, – ди Наталья Понедельникова. Соколова ТАССР Югары Советы депутаты, берничә чакырылыш район һәм шәһәр Советы депутаты итеп ­сайланган. 
Николай ­Яковлевич Соколовның ­табиблык эшчәнлеге зур һәм нәти­җәле. Ул  окулист һәм хирург буларак, авыруларга зур ярдәм күрсәткән, хас­таларга сәламәтлекләрен кайтарып, катлаулы опе­рацияләр ясаган. 

Николай Яковлевич 1926 елдан Тәтеш хастаханәсенең баш табибы итеп бил­геләнгән, аның җи­тәкчелегендә ул ­ТАССРда иң яхшылар исәбендә булган. 

Ирле-хатынлы Соко­ловлар кешеләр арасында санитар-сәламәт­лән­дерү чарасында актив катнашканнары өчен Кызыл Хач оешмасының район комитеты Грамотасы, “Сәламәтлек сак­лау отличнигы” билгесе, “1941-1945 еллардагы Бөек Ватан сугышы елларындагы фидакарь хезмәтләре өчен” медальләре, Ленин орденнары белән бүләкләнгәннәр. 

Аларга ТАССР һәм РСФСРның ­атказанган табиблары дигән исем би­релгән.

Табиб Соколовларның Идел киңлекләренә карап торган йорты без­нең көннәргә кадәр сак­ланган, берничә дис­тә­ләгән еллар элек тә­теш­­леләр медицина яр­дәме сорап көндезләрен һәм төннәрен дә аның  тәрәзәләрен шакыганнар, һәм алар бик тиз ара­да ярдәм дә алганнар. Тәтештә Соколовлар яшәгән Урицкий урамы 2004 елда үзгәртелгән,  аңа Табиб Соколовлар урамы дигән исем бирелгән.  

ФОТОЛАРНЫ ТӘТЕШ МУЗЕЕ ТӘКЪДИМ ИТТЕ


Нет комментариев