Татарстан Президенты Рөстәм Миңнехановка “Хатлар йорты” сервисыннан открытка килгән

(Тәтеш, 2 февраль, “Тәтеш таңнары”). Татарстан Президенты Рөстәм Миңнеханов “Хатлар йорты” посткроссингы ярдәмендә алган открытка белән уртаклашкан.

Instagram социаль челтәрендәге үз сәхифәсендә ул открытканың фотосын урнаштырган.

“Дуслар, киләсе атна ахырында хат язарга чакырганнан соң миңа бик матур татарча открытка килде. Анда @tatarhatlar барлык ватандашларыбызны хатларны татарча язарга һәм матур открыткалар белән уртаклашырга чакыра”, – дип сөйләде ул почта карточкасын алу тарихы турында.

Миңнеханов шулай ук үз сәхифәсенә язылучыларны флешмобка кушылырга һәм татар телендә язылган хатлар белән алмашырга чакырган.

“Татар-информ” агентлыгы элегрәк хәбәр иткәнчә, әлеге акцияне узган атнада “Хатлар йорты” сервисын ачкан Энҗе Садыйкова тәкъдим иткән.

фото: Татар-информ